მესტიის მუნიციპალიტეტში "ტურიზმის ეროვნული ადმინისტრაცია" უახლოეს მომავალში სამთო გიდებისთვის რამდენიმე სახის ტრენინგის ჩატარებას გეგმავს. ამის შესახებ მესტიაში მოსახლეობასთან შეხვედრისას "ტურიზმის ეროვნული ადმინისტრაციის" წარმომადგენელმა ისაუბრა.
ტრენინგში მონაწილეობა შეუძლიათ როგორც ტურიზმის ბიზნესში ჩართულ გიდებს, ასევე თვითდასაქმებულ გიდებსაც.
გიდებთან ტრენინგზე განსახილველი თემები "ტურიზმის ეროვნულმა ადმინისტრაციამ" საგარეო საქმეთა სამინისტროსთან ერთად შეიმუშავა.
შეგახსენებთ, რომ კულტურული სახის ტრენინგი თემაზე "ჩვენი მეზობელი ქვეყნების ტურისტებთან ურთიერთობა" უკვე ჩატარდა თბილისში, რამაც გიდების მხრიდან დიდი მოწონება დაიმსახურა.
SvanetiNews.Ge